Ысык-Көлдө ЖККУнун “Рубеж-2025” машыгууларынын активдүү фазасы башталды.
Машыгууга ЖККУнун Бириккен штабынын башчысы Андрей Сердюков, ЖККУнун башкы катчысынын орун басары Таалатбек Масадыков, Кыргызстандын коргоо министринин биринчи орун басары Эрлис Тердикбаев жана башка расмий адамдар катышууда.
Маневрларга армиянын бөлүктөрү жана учкучсуз учуучу аппараттар, бронетранспортерлер жана согуштук катерлер катышкан. Жалпысынан 500гө жакын ар кандай аскердик техника жана 1200 аскер кызматкери тартылган.
Аскердик күчтөр уламыш боюнча кыргыз аймагына кирип келген куралдуу бандаларды жок кылып, чек арадагы көзөмөлдү калыбына келтирүүдө.
