Транспорт жана коммуникациялар министринин орун басары Ырысбек Бариев туристтик тейлөө борборлорунун курулушун текшерди. Бул тууралуу Транспорт министрлигинен билдирди.
Ал алгач Балыкчы жана Түптөгү борборлорго баш багып, жумуштун жыйынтыгын жана даярдык деңгээлин көрдү. Министрдин орун басары туристтик тейлөө борборлорунун курулушу Ысык-Көлдөгү инфраструктураны жакшыртып жана Кыргызстанга келген коноктор үчүн ыңгайлуу шарттарды түзүүгө мүмкүндүк берерин билдирип, туризмди өнүктүрүүдөгү бул долбоордун маанилүүлүгүн баса белгиледи.
Жергиликтүү жана чет элдик туристтер үчүн жол жээгиндеги жагымдуу инфраструктураны түзүүгө багытталган долбоор бардык керектүү кызматтарды камтыйт.
Балыкчыдагы туристтик тейлөө борборунун ачылыш аземи июнь айынын орто ченине пландаштырылууда.
