- Тандалган жоокер орто билимдүү, бою 180 сантиметрден кем эмес, сырткы келбети жагымдуу, ден-соолугу чың, өзү жана үй-бүлөсү милициянын каттоосунда турбаган, үй-бүлө мүчөсү толук болушу шарт.
- 18-19 жаштан жогору тандалып алынып, андан соң 5 ай даярдыктан өтүшөт. Улуттук Гвардиянын бөлүм башчылары белгилеп кеткендей “Желекти кайтаруу — бул катардагы ар бир жоокердин кыялы».
- Ала-Тоо аянтына жакын жерде желекти кайтарган жоокерлер үчүн атайын эс алуу бөлмөсү бар. Ал жерге гвардиядан желекти кайтаруу үчүн 8 аскер бөлүнөт. Жоокерлер эртең менен 08:00дөн тартып желекти көккө көтөрүшөт, экөө күзөттө турса, экөө коштоп барышат.
- Калган жоокерлер бөлмөдө өз кезегин күтүшөт. Алар китеп окуп, сыналгы көрүп, шахмат ойношуп эс алышат. Ал эми алмашуу кезеги жакындаганда 10 минута эрте чыгып, денени даярдоо үчүн басып келишет.
- Жоокерлерге кыш мезгилинде 08:00- 18:00гө чейин, жайкысын кечки 20:00 чейин кайтаруу милдет. Алар ар саат сайын алмашып турушат жана күн өтө ысып кеткенде жарым саат сайын алмашышат. Кыш мезгилинде болсо желекти кайтаруу мөөнөтү 30 мүнөтгө гана созулат.
