Бишкек шаарынын Октябрь РИИБдин ыкчам кызматкерлери опузалап акча талап кылган шектүүнү кармашты.
Маалыматка ылайык, 10-январда Бишкек шаарынын Октябрь РИИБге К.А. аттуу жаран арыз менен кайрылып, белгисиз адамдарга мыйзамдуу түрдө чара көрүүнү суранган. Себеби, 9-январда Бишкек шаарынын И.Ахунбаев жана К.Тыныстановдун көчөлөрүнүн кесилишинде, өздөрүн укук коргоо органдарынын кызматкерлери катары тааныштырып, эч себепсиз акча талап кылышкан.
Аталган факт боюнча Кылмыш-жаза кодексинин 208-беренесине (Опузалап акча талап кылуу) ылайык кылмыш иши козголгон.
Тергөө жана ыкчам-издөө иш-чараларынын жүрүшүндө 2003-жылы туулган Т.Э. аттуу жаран аныкталып, кармалган.
Тергөө кызматына жеткирилип, убактылуу кармоочу жайына киргизилген.
