Өзбекстандагы алкоголь жана тамеки базарын жөнгө салуу агенттиги насвайга тыюу салган мыйзам долбоорун сунуштады. Бул тууралуу маалыматты Өзбекстандын Саламаттыкты сактоо министрлиги билдирди.
Маалыматка ылайык, министрлик өз алдынча даярдалган насыбай кенен-кесири пайдаланылып жатканы жарандардын ден соолугуна жана өлкөнүн экономикасына олуттуу зыян алып келет деп тынчсызданат.
Бүткүл дүйнөлүк саламаттыкты сактоо уюму 13-15 жаштардагы өспүрүмдөр арасында насвайдын колдонулушу боюнча пайыздык көрсөткүчтү эсептеп чыккан.
Анда Өзбекстанда — 6%, Кыргызстанда — 5,1%, Тажикстанда — 1,8%;, Казакстанда — 0,6%, Түркмөнстанда — 0,2% деп көрсөтүлгөн.
