УКМКнын Чек ара кызматы 2021-жылдын 17-ноябрында жайытта оттоп жүрүп Өзбекстандын аймагына кирип кеткен Кыргызстандын жаранынын 10 баш жылкысын кайтарып беришкендигин билдирет.
Маалыматка ылайык, ушул жылдын 17-ноябрында чек арачыларга Жалал-Абад облусунун Сузак районуна караштуу Арал айылынын Ш.К., атуу жараны кайрылып Өзбекстандын аймагына кирип кеткен жылкыларын кайтарып берүүнү суранган.
Анын айтымында 14-ноябрь күнү бир нече убакытка жылкыларын кароосуз калтыргандыгын айткан.
Кыргыз тарап өз учурунда Өзбекстандын чек ара өкүлчүлүгү менен сүйлөшүүлөрдү жүргүзүп, сүйлөшүүлөрдүн жүрүшүндө өзбек тарап кыргыз-өзбек мамлекеттик чек арасына жакын жерде жылкылардын ээси жок оттоп жүргөнүн жана алардын аймагына өтүп кеткендигин билдиришкен.
Кыргызстан менен Өзбекстандын чек арачыларынын биргелешкен иш-аракеттеринин негизинде 10 баш жылкы Кыргызстандын жаранына кайтарылып берилди.
