Өзбекстандын президенти Шавкат Мирзиёев Сауд Арабияда жүргөндөгү сапарынын экинчи күнүндө Мекке шаарына барып, зыярат кылды. Бул тууралуу аталган өлкөнүн президентинин басма сөз кызматы кабарлады.
«19-июлда- Ислам календары боюнча 1445-жылдын алгачкы күнүндө Шавкат Мирзиёев кичи ажылыктын талаптарын аткарды. Өлкө башчыбызга ыйык Каабага кирип, анда намаз окуу чоң сыймык. Мекенибиздин гүлдөп өсүшүн, элибизге тынчтык жана бакубатчылык, бардык мекендештерибизге, өсүп келе жаткан муундарга бакыт жана жаркын келечек тилеген дуба окулду»,- деп берилет билдирүүдө.
