Буга чейин жер көчкүдөн улам Өзгөндүн Карл Маркс айылынын Кызыл-Күңгөй тилкесиндеги 18 үй-бүлө коопсуз аймакка көчүрүлгөн.
«Калктын убактылуу баш калкалоосу үчүн 18 чатыр ошол эле аймактын коопсуз тилкесине орнотулган. Учурда электр жабдууларын орнотуу иши аяктап, таза суу менен камсыздалды» — деп берилет маалыматта.
Ал эми, “Улуттук Кызыл-Ай” коому тарабынан 2 даана чатыр онотулуп штаб жана медпункт жайгашкан. Убактылуу жашап жаткан 81 жаранга төшөнчү, гигиеналык каражаттар жана тиричилик буюмдары берилген.
Кечээ, 26-март күнү жер көчкү акырындык менен жылып, айылдын четиндеги турак үйдү, очоккананы басып, мал сарайга 10 метр аралык калган.
Эске салсак, 22-март күнү аталган аймакта жер кыртышы активдешип жер көчкү түшкөн.