Өзгөн районунун Кызыл Октябрь айыл аймагынын Эски Покровка айылына 225 орунга ылайыкталган жаңы мектеп курулат. Бул тууралуу облустагы өкүлчүлүктөн билдиришти.
Маалыматка ылайык, курулуш иштери президенттин Иш башкармалыгына караштуу “Кыргызстройсервис” мамлекеттик ишканасы тарабынан жүргүзүлөт.
Долбоор үчүн 180 млн сом Турукташтыруу фондунан бөлүнөт.
Эске салсак, 23-августта министрлер кабинетинин төрагасынын орун басары – УКМК төрагасы Камчыбек Ташиев Өзгөн районуна болгон иш сапарынын жүрүшүндө Кызыл Октябрь айыл аймагынын тургундары менен жолукканда жаңы мектеп курууну колдоого алган.
