Криштиану Роналду душ Сантуш Авейро дүйнөдөгү эң популярдуу футболчу. Коомчулук Криштиану Роналду тууралуу баарын билет, бирок биз анча белгилүү эмес фактылар тууралуу айтып беребиз.
1. Жөнөкөй үй-бүлөдөн
Криштианонун апасы ашпозчу, атасы болсо багбан болуп иштеген. Футболчунун үй-бүлөсү жакырчылыкта жашап, төрт адам бир бөлмөдө жашаганын айтат.
2. Ал жаман жүрүм-туруму үчүн мектептен чыгарылган.
Тактап айтканда, 14 жаштагы Роналду мугалимге отургуч ыргыткан. Анткени, «сыйлабастык мамиле кылган». Криштиану мектепке кайтып келген эмес, бирок апасынын кеңеши менен спортко көңүлүн бурган.
3. Анын жүрөгүнө операция жасалган
15 жашында Криштианого өмүрүнө коркунуч туудурган жүрөк аритмиясы диагнозу коюлуп, анын карьерасына чекит коюлушу мүмкүн болчу. Анда футболчу Спортинг командасында машыгып жүргөн. Спортчунун жүрөгүнө лазердик операция жасалып, үч күндөн кийин машыгууга кайтып келген.
4. Анын татуировкасы жок
Көптөгөн башка спорт жылдыздарынан айырмаланып, Роналду татуировканы жактырбайт, денесинде бир дагы татуировка жок. Футболчу жигердүү кан донору жана ал тургай 2008-жылы Кызыл Крест кампаниясынын жүзү болуп, «Менде татуировкалар жок, анткени алар менен кан донору боло албайсың» деген ураан алдында коомдук жарнамада катышкан.»
5. Анын ысымы менен галактика аталган
Лиссабон университетинин доктору Дэвид Собрал жетектеген илимпоздор тобу 2015-жылы Космос Redshift 7 же кыскача айтканда CR7 деп аталган галактиканы ачышкан, аны дүйнө жүзү боюнча Роналду аташат. Бул алардын атактуу жердешине болгон сый-урмат экенин окумуштуулар тастыкташты.
6. Мадейра аэропорту анын аты менен аталган
2016-жылы Португал Мадейрасынын аэропорту Криштиану Роналду эл аралык аэропорту деп аталып калган. Эске салсак, спортчу ушул шаарда төрөлгөн. Ал эми дал ушул аэропортто Роналдунун коло бюсту орнотулган, аны интернет колдонуучулары дүйнөдөгү дээрлик эң күлкүлүү эстелик деп эсептеп, көптөгөн мемдерди пайда кылган.
7. Бизнес менен алектенет
Криштиану миллиондогон акчасын, анын ичинде бизнес долбоорлоруна жумшайт. 2006-жылы спортчунун CR7 деп аталган биринчи мода бутиги Мадейрада ачылып, 2016-жылы анын беш жылдыздуу Pestana CR7 мейманканасы конокторду кабыл ала баштаган. Ал дагы спортчунун мекенинде жайгашкан.
8. Ал спирт ичимдигин ичпейт жана тамеки тартпайт
Роналду спирт ичимдиктерин ичпейт жана басма сөздүн айтымында, бул анын атасы аракеч болгондугу жана 52 жашында каза болгондугу менен байланыштуу. Спортчу бир нече жолу атасын аракечтиктен дарыланууга аракеттенген, бирок ал эч качан клиникага барууга макул болгон эмес.
Ал күнүгө мас болгон, аны менен сүйлөшүү кыйын болчу, — деп эскерет спортчу.
Криштиану түнкү клубда мас абалында көргөнүн “Daily Mirror” гезити жазган. Ал эми Роналду сотко берип, утуп алган жана гезит ага компенсация төлөп берген.
9. Анын баасы миллиард
Маалымат булактарында жазылгандай, Криштиану Роналду менен келишим түзүүнү каалаган дүйнөлүк клуб миллиард доллар төлөшү керек.
10. Кайрымдуулук иштерине активдүү катышат
2012-жылы Роналду Газа тилкесинде мектептерди куруу үчүн утуп алган «Алтын бутсасын» бир жарым миллион еврого саткан. Бир жылдан кийин спортчу дагы бир сыйлыкты — «Алтын топту» сатып, андан түшкөн жарым миллион евродон ашык каражатты катуу оорулуу балдардын каалоо-тилектерин ишке ашырган Make-A-Wish фондуна которгон. Бул футболчунун акыркы бир нече жылдагы кең пейилдиктүү ишараттарынын узун тизмесинин бир бөлүгү гана.
