УКМК төрагасы Камчыбек Ташиев Чүй облусунун жергиликтүү бийлигине 3 күндүк мөөнөт берди. Төрага кечээ Токмок шаарына барып, жергиликтүү бийлик өкүлдөрү менен жыйын өткөргөн.
Ташиев Токмок шаарына былтыр бюджеттен бөлүнгөн 1 млрд сом натыйжасыз сарпталганына ачууланып, облус башчысын зекиди.
“Шаардын ар бир метр жерин жөө аралап, суу жетпеген жерине суу жеткирип, тазалап, көрктөндүргүлө. Чүйдөгү президенттин өкүлүнө, акимдер жана шаар мэрлерине 3 күн убакыт берем. Ойлонгула! Иштегиси келбегендер, көзү жетпегендер арыз жазып кеткиле. Кеткендердин ордуна иштейм деген жаңы балдар келет. Ал эми кетпей калгандарга талап катуу коюлат”, — деди.
