Кара-Кыргыз автономиялуу облусунун түзүлгөндүгүнүн 100 жылдыгына карата «Кара-Кыргыз автономиялуу облусуна – 100 жыл» күмүш коллекциялык монетасы жүгүртүүгө чыгат. Бул тууралуу Улуттук банктан билдиришти.
«Тарыхый окуялар» сериясындагы «Кара-Кыргыз автономиялуу облусуна – 100 жыл» күмүш монетанын алдыңкы бетинде негизги элемент катары Ала-Тоону чагылдырган 100 саны, алдында ак илбирстин сүрөтү түшүрүлгөн. Ал эми, арткы бетинде гүлдөрдү чагылдырган оймо-чиймелердин так ортосунда Кыргызстандын герби жайгашкан. Монетанын номиналы — 10 сом.
Коллекциялык монета Улуттук банктын мекемелеринин кассаларында 4 820 сомдон сатылат. Аталган монета өлкөдө расмий төлөө статусуна ээ болот.
