Бүгүн, 27-сентябрда Жалал-Абад шаарындагы «Мир» кинотеатрынын алдында гүлдөр жарманкеси өткөрүлөт. Бул тууралуу шаардык мэриянын басма сөз кызматы билдирет.
Маалыматка ылайык, иш-чара 1-октябрь — Эл аралык карылар күнүнө карата уюштурулууда. Анда жашы улгайган жарандар тарабынан жарманкеге гүлдөр коюлат.
“Бүгүнкү биздин иш-чарабыздын максаты-үйдө бош отурган карыялардын көңулүн аз да болсо көтөрүү үчүн гүлдөрдүн жарманкесин уюштуруп жатабыз. Аз камсыз болгон жалгыз бой карыялар жана мүмкүнчүлүгү чектелген жарандар келишип, өздөрүнүн колунан жасалган гүлдөрдү тартуулашат”-деп билдирет уюштуруучу топ.
Белгилей кетсек, жарманкеден өзүңүзгө жаккан гүлдөрдү сатып алсаңыз болот.
