7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Май 2024
Пн Вт Ср Чт Пт Сб Вс
 12345
6789101112
13141516171819
20212223242526
2728293031  
  • social_icon
  • social_icon
  • social_icon
  • social_icon

Жалал-Абадда “Алтын сертификат” менен “Алтын тамга” аттестатына ээ болгон бүтүрүүчүлөр сыйланды

471

Бүгүн, 4-июлда Жалал-Абад шаарынын мэри Эрнисбек Ормоков 2022-2023- окуу жылында “Алтын сертификат” жана “Алтын тамгага» ээ болгон Жалал-Абад шаарынын бүтүрүүчүлөрү менен жолугуп, ийгиликтери менен куттуктады.

Сыйлоо аземине шаардык кеңештин депутаты Буниса Мамадалиева, мэрдин орун басары Гүлбарчын Таштанбекова, шаардык билим берүү бөлүмүнүн башчысы Ырысбек Калчаев, бүтүрүүчүлөрдүн ата-энелери жана мектеп директорлору катышты.

«Билимдүү жаштар- өлкөнүн келечеги! Силер жетишкен ийгилик- жалпы шаарыбыздын ийгилиги. Дайыма изденүүдөн талбай, келечектин татыктуу ээлери болушуңарга тилектешмин ”,-деген куттуктоосун айткан калаа башчысы окуучуларга жана аларга ийгиликке жетүүсүнө зор салымын кошкон ата-энелерге, мугалимдерге ыраазычылыгын билдирип, бутүрүүчүлөргө белектерди тапшырды. Ошондой эле шаардык билим берүү бөлүмүнүн башчысына кийинки окуу жылында “Алтын сертификат” жана “Алтын тамга” өзгөчө аттестатын алган окуучулардын санын көбөйтүү талабын койду.

Жалал-Абад шаарынан 5 окуучу “Алтын тамга” аттестатына, бир окуучу “Алтын сертификатка” ээ болгон. Алар: №4 мектеп-гимназиясынан Айдай Жоробекова, №10 Т.Кошматов мектеп-гимназиясынан Гүлайша Абдыкапарова, С.Давлетов атындагы №14 инновациялык лицейдин окуучусу — Айжан Маматкалыкова , З.Нурматова атындагы Жалал-Абад кыздар лицейинин окуучулары Жыпара Дарбишова, Саида Алишер кызы.

Ал эми шаардагы “Билимкана” жеке менчик мектебинин бүтүрүүчүсү Сабина Маратбек кызы “Алтын сертификатка” ээ болгон.

Белгилей кетсек, быйыл Жалал-Абад шаарынын мэри Эрнисбек Ормоковдун демилгеси жана шаардык кеңештин депутаттарынын колдоосу менен жергиликтүү бюджеттен “Мыкты мугалим” сынагын өткөрүүгө 300миң сом, “Алтын сертификат” жана “Алтын тамгага” ээ болгон бүтүрүүчүлөргө 700миң сом акча каражаты бөлүнгөн. Ал каражаттын эсебинен Жалал-Абад шаарындагы муниципалдык мектептердин 3 бүтүрүүчүсүнө ноутбук, ата-энелерине газ плитасы, ал эми алар бүтүргөн мектептерге үч кызматты бирдей аткарган принтерлер тапшырылды.

Эске салсак, быйыл Жалал-Абад шаарында 797 бүтүрүүчү 11-классты аяктаса, 2228 бүтүрүүчү 9-классты аяктады.

 

Добавить комментарий

Ваш адрес email не будет опубликован. Обязательные поля помечены *

472