Жалал-Абад шаарындагы балдардын психоневрологиялык социалдык-стационардык мекемесиндеги ден соолугунан мүмкүнчүлүгү чектелген балдарды келе жаткан жаңы жылы менен куттуктап, КРнын Президентинин Жалал-Абад облусундагы ыйгарым укуктуу өкүлүнүн аппаратынын социалдык мониторинг жана өнүктүрүү бөлүмүнүн башчысы Гулзат Аширова , Жалал-Абад шаарынын вице-мэри Гулбарчын Таштанбекова барды. Алар эмгек жамаатты жана балдарды келе жаткан жаңы жылы менен куттуктап, 120 балага жаңы жылдык белек беришти. Бул тууралуу мэриянын басма сөз кызматы билдирди.
Быйыл Жалал-Абад шаарындагы 26 окуучуга Кыргыз Республикасынын Президенти Садыр Жапаровдун, 500дөн ашык балага жергиликтүү бийлик тарабынан жаңы жылдык белектер даярдалган.