2-мартта саат 18:44тө Жалал-Абад облусунун аймагында жер титирөө катталды. Бул тууралуу Сейсмология институту билдирди.
Маалыматка караганда, жер титирөөнүн күчү 3,5 баллга жетип, очогу Токтогул районунан түштүккө карай 22 чакырым, Кетмен-Төбө айылынан түштүк-батышка карай 17 чакырым, Көк-Бел айылынан түштүк-батышка карай 3 чакырым жана Кара-Көл шаарынан түндүк-чыгышка карай 20 чакырым аралыкта жайгашкан.
Жердин силкинүүсү Көк-Бел айылында 3,5 баллга жакын, ал эми Кара-Көл шаарында жана Кетмен-Төбө айылында — 3 баллга чейин сезилген.
Жер титирөөнүн кесепетинен жабыркагандар жана кыйроолор катталган жок.
