Кыргызстанда өскөн боксчу Дмитрий Биволду орто оор салмакта чемпиондук наамын ийгиликтүү коргошу менен президент Садыр Жапаров куттуктады.
«Мекендешибиз Дмитрий Бивол учурдун эң күчтүү мушкери Сауль Альварести оор кармашта жеңип, орто оор салмакта WBA чемпиондук наамын коргоду. Биз Дмитрийдин бул жеңишине чексиз сыймыктанабыз, анткени спорттук пайдубалы дал Кыргызстанда түптөлгөн. Жердешибизге дүйнөлүк спорттук аренада жаңы жеңиштерди каалайбыз!»,-дейт өлкө башчы.
Белгилей кетсек, Дмитрий Бивол Токмок шаарында төрөлгөн.
Биволдун беттеши бүгүн, Лас-Вегас шаарында өтүп, ал атаандашын жеңип алды.
