14-мартта Москва метросунда үрөй учурган окуя болгон. Бул тууралуу РИА Новости видео менен бөлүштү.
Маалыматка караганда, 39 жаштагы адам мурдагы сүйлөшкөн кызын келе жаткан электропоезддин астына түртүп салган. Машинист авариялык тормозду басып жетишип калган, кыз жабыркаган эмес. Андан соң, жаран качып кетүүгө аракет кылган, бирок аны башка жүргүнчүлөр токтотуп, полиция кызматкерлерине өткөрүп беришкен.
Аталган жаран полициянын убактылуу кармоочу жайына киргизилип, киши өлтүрүүгө аракет кылган деп шектелүүдө.
