“Жашыл Мурас” улуттук долбоорунун алкагында жашылдандыруу жана көрктөндүрүү иштери уланууда. Бул тууралуу Транспорт министрлиги кабарлады.
Маалыматта, №31 Жол тейлөө ишканасы (ЖТИ) тарабынан Жалал-Абад-Казарман унаа жолунун 39-40-чакырымына көчөт отургузуу иштери аткарылды. Ошондой эле Ноокат-Папан автожолунун 6-7-чакырым аралыгына карагай көчөттөрү отургузулуп жатат.
Белгилей кетсек, азыркы тапта “Жашыл Мурас” улуттук өнөктүгүнүн алкагында жол жээгин жашылдандыруу иштери башка аймактарда жүргүзүлүп, жолчулар тарабынан көчөттөр тигилүүдө.
