Мамлекеттик администрациянын, архитектура, кадастр жана мамлекеттик архив органдарынын мурдагы жана азыркы кызматкерлери баш болгон «жер мафиясынын» коррупциялык ишмердүүлүгүнө бөгөт коюлду. Бул тууралуу УКМК билдирет.
Маалыматка, ылайык айыпталуучу Бишкек шаарынын Октябрь районунун аймагында жайгашкан аянты 1 гектардан ашык болгон 21 мамлекеттик жер тилкесин мыйзамсыз ээлеп алган. Ал үчүн турак жайдын башкы планын жана райондук мамлекеттик администрациясынын «Жеке өнүктүрүү маселелери жөнүндө» токтомдорун жасалмалап алган.
Кылмыштуу аракеттердин натыйжасында мамлекетке 300 миллион сомдон ашык зыян келтирилген.
Коррупциялык схеманын уюштуруучулары кармалып, убактылуу кармоочу жайга киргизилди. Алар жасаган кылмыштардын күнөөсүн мойнуна алып, өз ыктыяры менен жер тилкелерин мамлекеттин менчигине кайтарып беришти.
