Күндүн короналдык тешигинин таасиринен улам Жерде магниттик бороон башталды. Бул тууралуу Интерфакс Космостук изилдөө институтунун Күн астрономия лабораториясы жана Россия Илимдер академиясынын Күн-Жер физикасы институтунан билдиришкенин жазды.
Маалыматка караганда, бороондор башында орточо болот деп күтүлгөн жана азырынча божомолго дал келет. Бороон G1 деңгээлинде катталып, G2ден ашпашы мүмкүн. Негизинен шкала боюнча беш градация бар.
Окумуштуулардын белгилешинче, бул октябрь айындагы төртүнчү магниттик бороон.
Магниттик бороондордун саны экинчи ай катары менен көбөйдү. Сентябрь айында беш бороон болгон.
Геомагниттик толкундардын көбөйүшү Жердин Күндөгү салыштырмалуу анча чоң эмес короналдык тешигинин туш келишине байланыштуу экени айтылууда.
