«Бишкек арена» стадионунун ачылышына президенттин иш башкармалыгы жетим балдар жана балдар үйлөрүнүн бүтүрүүчүлөрү үчүн 100 VIP-билет бөлдү. Бул тууралуу «Жетим балдардын укугун коргоо» коомдук фондунун жетекчиси Игорь Беляев билдирди.
«Биздин балдар үчүн бул жөн гана билет эмес. Бул — чоң иш-чаранын бир бөлүгү болуп, ошондой эле өздөрүнө көңүл бурулуп, кам көрүлүп жатканын сезүүгө берилген мүмкүнчүлүк» — деп жазды ал.
Беляев балдар үйлөрүнүн тарбиялануучулары жана бүтүрүүчүлөрү үчүн бул чоң окуя болуп каларын жазды.
Белгилей кетсек, билеттер өлкө башчысы Садыр Жапаровдун атынан берилип жатат.
