Жогорку Кеңеште башкы прокурор кызмат ордуна Малик Бектургановдун талапкерлиги каралды.
Жыйында талапкер тууралуу маалыматты Жогорку Кеңештеги туруктуу өкүлү Бектур Зулпиев тааныштырды.
Эл өкүлдөрү Малик Бектургановдун талапкерлигин жактырып, аны башкы прокурор кызматына дайындоого макулдук беришти.
Белгилей кетсек, буга чейин талапкердин дайындалышына макулдук берүү маселесин Жогорку Кеңештин Сот-укук маселелери, укук тартиби, кылмыштуулук менен күрөшүү жана коррупцияга каршы аракеттенүү боюнча комитети карап, Малик Бектургановдун талапкерлигин жактырган.
