2024-2025-окуу жылына Жалпы республикалык тестирлөөнүн жыйынтыгы боюнча жогорку окуу жайларга абитуриенттерди тандоо жана кабыл алуу бүгүн, 15-июлда башталды. Бул тууралуу Билим берүү министрлиги билдирди.
Маалыматка караганда, кабыл алуу 5 тур менен өтөт. Биринчи тур 15–20-июль күндөрү болот.
1) сынакка катышуу үчүн талапкерлерди каттоо — 15-17-июль,
2) сынакка катышуу үчүн каттоону аяктоо – 17-июль саат 14:00,
3) окууга сунуш кылынган абитуриенттердин тизмелерин жайгаштыруу — 18-июль саат 10:00гө чейин,
4) абитуриенттердин ЖОЖго тапшыруу каалоосун тастыктоосу — 18-20-июль саат 16:00гө чейин.
