Бүгүн Манас шаардык мэриясынын жыйындар залында Кыргыз Республикасынын Ички иштер министрлигинин Жол кыймылынын коопсуздугун камсыздоо кызматынын түзүлгөнүнүн 90 жылдыгына арналган майрамдык иш-чара өттү.
Саамалыкка жергиликтүү бийлик өкүлдөрү, күч түзүмдөрүнүн жетекчилери, тармак кызматкерлери жана ардагерлер катышты.
Иш-чарада 90 жыл аралыгында кызматтын өнүгүү жолу, жол коопсуздугун камсыздоодогу орду жана коомдук коопсуздук үчүн кошкон салымы белгиленди. Ошондой эле үзүрлүү эмгектенген кызматкерлер сыйланып, майрамдык программа тартууланды.
