УКМКнын төрагасы Камчыбек Ташиев кечээ, 15-сентябрда Баткенде коңшу өлкөнүн куралдуу кол салуусунан курман болгондорду эскерүү иш чарасында Тажикстан дооматтарын токтотпосо, Кыргызстандын да аларга кое турган дооматы бардыгын, ага негиз катары жаңы тарыхый документтер табылганын билдирген.
Бул боюнча саясат талдоочу Жолборс Жоробеков пикирин айтты.
«Камчыбек Кыдыршаевичтин кыргыз-тажик чек арасына тиешелүү билдирүүсүн ар ким ар кандай чечмелеп жатышат. Арасында билип айтканы да, билбей айтканы да, түшүнгөнү жана түшүнбөгөнү да бар. Менин оюмча, Ташиев туура айтты. Себеби 32 жылдан бери дипломатиялык жолдор менен сыйпалатып айтып келишкен. Ачык айтпай жүрүп ушул күнгө келдик. Мал кайтарып жүргөнүбүз деле «эмнеге айтты, айтпаш керек» дей бергенди токтотуу керек. Бардык сөз туура убакта, өз убагында айтылды. Ушундай сөз айтылышы керек болчу», — деди Жоробеков.
Булак: sayasat.kg
