Жумгалда эл аралык «Gallops Кыргызстан-2025» туристтик маданий иш-чарасы өтүүдө. Бул тууралуу президенттин Нарын облусундагы өкүлчүлүгүнөн билдиришти.
Анын алкагында атайын тур уюштурулуп, алгач элиталык спорттун түрү катары эсептелинген «Поло» оюну боюнча оюн көрсөтүлдү.
Андан соң келген меймандар менен биргеликте түндүк көтөрүү салты көрсөтүлдү. Анда конокторго түндүк көтөрүү «бир түндүктүн алдында ынтымактуу бололу!» деген маани экени, кыргыз эли ушул маани-маңызды бекем тутушаары даңазаланды.
Белгилей кетсек, иш-чара 26-июлга чейин уланат.
Маалымат үчүн: Gallops долбоору буга чейин Оман, Марокко, Индия, Иордания сыяктуу мамлекеттерде өтүп, дүйнөлүк спортто жана маданий коомчулукта чоң кызыгууну жараткан.
