Аткезчилик жүк менен ташылып бара жаткан 6060 банка энергетикалык ичимдиктер кармалды. Бул тууралуу УКМКнын басма кызматы билдирди.
Маалыматка караганда, 2022-жылдын 8-майында Баткен районунун Жаңы-Жер айылынын аймагында, Сох анклавына жакын жерде, УКМК Чек кызматкерлери менен биргеликте жалпы баасы 1 миллион сомдон ашык болгон 6060 банка энергетикалык суусундуктарды ташып бара жаткан “Мерседес Бенц Спринтер” жана “Фольксваген Крафтер” үлгүсүндөгү автоуналардын айдоочулары Б.Н. жана С.М. менен кармалган.
Бул факты маалыматтарды каттоо журналына катталып, азыркы учурда тергөөгө чейинки текшерүү иштери жүрүп жатат.