Бишкекте №100 маршрутканын айдоочусу жоголгон капчыкты таап алып, ээсине кайтарып берген.
Шаардык мэриянын басма сөз кызматы билдиргендей, капчыктын ичинде байланыш номер жазылган эч кандай документ жок болгондуктан айдоочу капчыкты видеого тартып, соцтармакка жарыялаган. Көп өтпөй капчыктын ээси табылып, айдоочу ага буюмун кайтарып берген. Жолугушууда буюм ээси айдоочуга ыраазычылык билдирип, акчаны карызды берүүгө алып бара жатканын айткан.
Белгилей кетсек, капчыктын ичинде 14 миң 800 сом болгон.
