Ысык-Ата районунда жашы жете элек кызга нике кыйганды үчүн айылдын имамы кармалды. Бул тууралуу 7-каналга Чүй ОИИБден билдиришти.
Маалыматка караганда, Ысык-Ата районунун Ивановка айылынын тургуну 2002-жылы туулган Н.Ш. аттуу жаран 2008-жылы туулган С.Н. аттуу жаш өспүрүмгө үйлөнүп, алардын никесин 1971-жылы туулган имам кыйгандыгы аныкталган.
Аталган факт боюнча Кылмыш-жаза кодексинин 175-беренесинде көрсөтүлгөн (Диний ырым-жырымдарды өткөрүүдө нике курагы жөнүндө мыйзамдарды бузуу) кылмыштын белгилери менен кылмыш иши козголгон.
Тергөө учурунда имам жана 21 жаштагы бала аталган кылмыш ишине шектүү катарында кармалышып, убактылуу кармоочу жайга киргизилди.
Учурда тергөө амалдары жүргүзүлүүдө.
