Сузак айыл өкмөтүнүн башчысы Аскар Сариев УКМКнын Жалал-Абад облустук башкармалыгынын кызматкерлери тарабынан кармалган. Ага кызмат абалынан кыянаттык менен пайдалануу менен мамлекетке зыян келтирген деген айып коюлган. 
Сүрөттө Аскар Сариев.
Бирок, Жалал-Абад шаардык сотундагы судья Кангелдиев кечэ, үй камагына чыгарган. Журналист Өткүрбек Рахманов бул чечимге Жалал-Абад облустук прокуратурасынын прокурору Асановдун таасири бар дейт.
Анткени прокурор Асанов сот залында, Сариевди бошотуп берүүнү соттон өтүнгөнүнө көпчүлүк күбө болгон.
Ага нааразы болгон тараптар, интернет желесинде прокурор Асановдун сот ишине аралашуусун сынга алууда.
«Асановтой прокурорлор кетпесе бут обл. Прокуратурага кесепети тиет!! Асанов дайма акчасы барлардын созун суйлогон. Акырын журуп ишти калагандай бутургон прокурор!! Шерменде прокурорлордун бардыгы ушундай болсо бут прокуратурага ишенич жок!«, — дейт интернет колдонуучу Гүлизат Арстанбекова.
