2026-жылы Манас шаарынын электр энергиясына болгон муктаждыгын камсыздоо максатында 110/10 кВ «Бакай» көмөк чордону курулат. Бул тууралуу Энергетика министри билдирди.
Маалым болгондой, жаңы объект калкты туруктуу электр энергиясы менен камсыздоого шарт түзөт.
Ошондой эле эскирген 3 энергетикалык объект жаңыланат:
- Кара-Көл РЭТинин имараты;
- Аксы РЭТине караштуу Кербен УЭТинин имараты;
- Токтогул РЭТине караштуу Үч-Терек УЭТинин имараты.
Мындан тышкары, Жалал-Абад облусу боюнча 5000 темир-бетон мамыча алмаштырылып, 270 чакырым аба чубалгысы заманбап СИП электр өткөргүчтөрүнө өткөрүлөт жана 50 даана жаңы трансформатор орнотулат.
