2 жылдан бери өгөй атасы тарабынан зордукталып жүргөн 15 жашар кыздын таенеси да бул окуяны баштан-аяк билип, бирок эч кандай чара көрүлгөн эмес. Таенеси интервью берип, күйө баласы небересинин үстүнө чыгып алып зордуктап жатканын дагы өз көзү менен көргөнүн айткан. Бирок эч ким эч кандай чара көргөн эмес. Бул тууралуу видео социалдык тармактарда тарап, элдин кыжырын келтирүүдө.
Белгилей кетсек, бул өгөй атасы тарабынан сабалган алты жашар Рамазан менен болгон окуядан кийин 15 жаштагы кыздын чоң апасы жактоочуга кайрылган.
Ал эми жактоочу бул иш боюнча эч кандай чара көрүлбөй жаткандыгын билдирген.
«Анын айтымында, кыз өгөй атасы тарабынан эки жыл бою кордук көргөн. Кыздын апасы бул жөнүндө билип, унчукпай, күйөөсүн жаап жашырган. Жакында жабырлануучу таежесине жана чоң энесине баарын айтып берди. Алар милиция чакырышкан. Бул факты Бирдиктүү реестрге 5-декабрда катталган. Бирок маселе боюнча аракеттер көрүлбөй жатат. Бул зордукталган кыздын өгөй атасы М.Р. ишти жең ичинен бүтүргөндөй сезилет. Кыз азыр психиатриялык ооруканага жаткырылды. Өгөй ата кызды окуяны айтып берсе өлтүрөм деп коркуткан», — дейт жактоочу.