2020-2021-окуу жылына карата билим берүү ушул жылдын 25-майында аяктайт. Бул тууралуу Билим берүү жана илим министрлиги билдирет.
Маалыматка ылайык, министрлик Кыргыз Республикасынын бардык типтеги жана менчик түрүндөгү жалпы билим берүү уюмдарында 2020-2021-окуу жылын уюшкандыкта аяктоо, ошондой эле пандемия маалында бүтүрүүчүлөрдүн саламаттыгын жана коопсуздугун сактоо максатында тиешелүү буйрук чыгарды.
Ошондой эле, 2020-2021-окуу жылы үчүн Жыйынтыктоочу мамлекеттик аттестация ушул жылдын 2-июнунан 13-июнуна чейин Билим берүү министрлигинин 2020-жылдын 11-майындагы №361/1 буйругу менен бекитилген убактылуу жобого ылайык өткөрүлөт.
ЖМА ар бир жалпы билим берүү уюмунун окуу планына ылайык мектептин предметтик комиссиялары тарабынан жүргүзүлɵт.