2023-жылы дээрлик 800 000 айдоочу жол эрежесин бузган. Бул тууралуу Жол кыймылынын коопсуздугун камсыздоо боюнча мамлекеттик инспекциянын тогуз айдагы жыйынтыктоочу жыйынында айтылды.
Андагы маалымат боюнча, жол эрежесин бузган 746 миң 673 айдоочу аныкталган. Андан мамлекеттик бюджетке 396 миллион 92 миң 240 сом түшкөн.
- 8682 айдоочу мас абалында унаа башкарган;
- 125422 айдоочу ылдамдыкты чектен ашырган;
- 2409 унаанын каптал жана алдыңкы терезелерин мыйзамсыз караңгылаткан;
- 7828 тиешелүү документтери жок унаа айдаган;
- 282 автобейбаштык үчүн айып салынган;
Ал эми коопсуздук курун тагынбаганы үчүн 178146сы административдик жазага тартылган.
