Эртең, 23-апрелде кээ бир райондордо күн күркүрөп, өткүн өтүшү күтүлөт. Ал эми Бишкек шарында жаан-чачын болбойт. Бул тууралуу Кыргызгидромет борбору кабарлайт.
Маалыматка ылайык, бийик тоолуу райондордо жолдор тайгак болуп, батыштан соккон шамалдын ылдамдыгы секундасына 4-9 метрге жетет.
Абанын температурасы:
- Чүй облусунда түнкүсүн 6…11, күндүз 21…26;
- Талас жергесинде түнкүсүн 5…10, күндүз 20…25;
- Баткен, Ош, Жалал-Абад дубандарында түнкүсүн 8…13, күндүз 23…28;
- Ысык-Көл жана Нарыноблустарында түнкүсүн 4…9, күндүз 17…23;
- Бишкекте түнкүсүн 9…11, күндүз 24…26 градус болот;
- Бийик тоолордо түнкүсүн -1…-6, күндүз 4…9 градус болот.
