Ысык-Ата районунун ички иштер башкармалыгы дайынсыз жоголгон 1995-жылы туулган Санникова Надежда Александровнаны издеп жатат. Бул тууралуу Чүй ОИИББинин басма сөз кызматы билдирди.
Маалыматка ылайык, Санникова 2020-жылы 20-августта үйүнөн чыгып кеткен бойдон кайтып келген эмес.
Белгилери: бою 160-165 см, келбети славян улутуна түспөлдөшүп кетет, орто денелүү, чачы сары түстө узундугу ийинине чейин жетет, сүйрү бет, көзү көк.
Ал жайкы мезгилге ылайыктуу кийинген — көк футболка, жайкы джинсы шорты, бутунда боз резина сланцы.
Изделип жаткан адамды көргөн же анын жүргөн жери жөнүндө кандайдыр бир маалымат билгендер болсо төмөнкү телефон аркылуу кабарлап коюуну суранабыз: 0312 61 69 07, 0708 102 110.
