2026-жылдын 28-мартында саат 09:00дөн белгисиз мөөнөткө чейин турак жай имараттарына, мектептерге, мектепке чейинки билим берүү мекемелерине, саламаттыкты сактоо мекемелерине жана башка социалдык жана өнөр жай объектилерине ичүүчү суу берүү токтотулат. Бул тууралуу мэриядан билдиришти.
Маалым болгондой, суу Сүйүмбаев жана Токтогул көчөлөрүнүн кесилишиндеги Д-500мм суу түтүгүндө авариялык оңдоо иштерин жүргүзүүгө байланыштуу өчүрүлөт.
Өчүрүү аймагы: Абдрахманов көчөсү — Фрунзе көчөсү- Сүйүмбаев көчөсү — Чүй проспектиси — Аламүдүн суусу — темир жол линиясы — Сүйүмбаев көчөсү — Москва көчөсү- Шопоков көчөсү — Чүй проспектиси.
