Тажикистандын аймагына аммиак селитрасын аткезчилик жол менен мыйзамсыз алып өтүү иш-аракетине бөгөт коюлду. Бул тууралуу УКМКдан билдиришти.
Баткен районунун “Маргун-Жаңы-Бак-Арка” айланып өтүүчү унаа жолунда Тажикстандын аймагына жалпы салмагы 3,5 тоннага жакын аммиак селитрасы (карбамид) түрүндөгү жүктү алып өтүүгө аракет кылып жаткан жеринен Баткен шаарынын тургуну, 1987-жылы туулган КР жаранынын башкаруусундагы “Мерседес Бенц Спринтер” үлгүсүндөгү жүк ташуучу унаа кармалган.
Бул факты документтештирилип, тиешелүү иш-чаралар жүргүзүлүүдө.
