Казакстанда жаран төрт жыл бою күнүгө энергетикалык ичимдиктерди ичкен соң реанимацияга түшкөн. Бул тууралуу Tengrinews.kz. жазып чыкты.
Маалыматка ылайык, анын абалы өтө оор. Туугандары ал төрт жыл бою күн сайын энергетикалык суусундук ичкенин айтышкан.
«Дарыгерлер текшерүүдөн кийин жүрөктүн өнөкөт жетишсиздиги деген диагноз коюшкан. Бул жүрөктүн насостук функциясы бузулуп, анын натыйжасында органдар жана ткандар кычкылтектин жетишсиздигинен жабыркайт. Абалы өтө оор болгондуктан, дем алдыруучу аппаратта жатат», — деп берилет маалыматта.