41 жаштагы Жозеф Уильямс Чикаго шаарында төрөлгөн. Ал төрөлгөндө эле ылдыйкы жаагы жок болгон.
«Менин үйлөнүшүмө эч ким ишенген эмес»,- деген Жозеф сүйүктүүсүн интернет түйүнүнө жүктөп, көпчүлүктү таң калтырды. Соц.тармактын колдонуучулары бул көрүнүшкө “Кызга эмне болгон?” «Ал өзү сулууго”, “Балким ал бай чыгар” деген ар түрдүү терс ой пикирлерди жазышкан.
Жозеф өзүнүн келбетинен уялып, эч нерсеге татыксызмын деп ойлоп келген. Ал үчүн аял киши менен сүйлөшүү оор эле. Бирок, Жо менен Вания жан шерик экенин билип көп өтпөй жакындан мамиле курууга өткөн. Сүйүктүүсү турмушка чыгуу сунушуна макул болгондо ал аябай таң калып, «Кантип эле ушундай болсун», деп ишенбегенин айтып келет.
Ар кандай пикирлерге карабастан, жубайлар бир нече жылдан бери бактылуу өмүр сүрүшөт. Вания жолдошунун кандай болсо ошондой кабыл алып, жакшы көрөөрүн айтат.
