УКМК тарабынан опузалап пара талап кылуу фактысы боюнча ӨКМнин алдындагы Токой кызматынын Чаткал токой чарбасынын башчысы Б.М.О. кармалды.
Аталган жаран «Алтын Белги» ЖЧКсынын директору Ж.у.А. аттуу жарандан 5 000 000 сом пара алып жаткан жеринен кармалды.
Ал өзүнүн кызматтык абалынан кыянаттык менен пайдаланып, Жалал-Абад облусунун Чаткал районунун Чоң-Жайык жеринде алтын казуу боюнча «Алтын Белги» ЖЧКсынын ишин тоскоолдуксуз улантканы үчүн көрсөтүлгөн сумманы опузалап, болбосо мүлкүн камакка алуу жана мамлекеттик органдар тарабынан жасалма тоскоолдуктарды жаратуу менен коркутканы аныкталган.
Факт боюнча сотко чейинки өндүрүш башталып, тиешелүү тергөө иштери жүрүүдө.
