Ош облусунун Кара-Суу райондук паспорт столунун башчысы 750 АКШ доллары өлчөмүндөгү акча каражатын алып жаткан жеринен кармалды. Бул тууралуу УКМК билдирет.
Калкты каттоо департаментинин 06-04 аймактар аралык бөлүмүндө, тактап айтканда Ош облусунун Кара-Суу райондук жарандык абалдын актыларын каттоо, калкты паспорттоштуруу жана каттоо бөлүмүндө жетекчилик тарабынан акча талап кылуу фактысы аныкталды.
Маалым болгондой, Кара-Суу райондук жарандык абалдын актыларын каттоо, калкты паспорттоштуруу жана каттоо бөлүмүнүн башчысы Т.Р.М. КРнын паспортторун берүү, ошондой эле КРнын жарандыгын алууга көмөк көрсөтүү үчүн жарандардан опузалап акча талап кылган.
Бул фактынын негизинде Кылмыш-жаза кодексинин 343-беренесинин 1-бөлүмүнө («опузалап пара талап кылуу») ылайык кылмыш иши козголду.
Учурда УКМКнын тергөө абагына киргизилди. Кылмышты жасоого тиешеси бар башка адамдарды аныктоо боюнча тиешелүү тергөө иш-чаралары жүрүп жатат.
