86 жаштагы француз театр жана кино актёру Ален Делон эвтаназия аркылуу көз жумат. Бул тууралуу анын уулу Энтони Делон билдирди.
RTL телеканалынын маалыматына караганда, 86 жаштагы актёр оорудан бир нече жылдан бери жапа чегип келе жатат. Ошондуктан, ал жакын арада эвтаназия процедурасына барууну көздөп жатат. Актёр эвтаназияны Швейцарияда жүргүзүүнү чечкен. Уулунун айтымында, Делон мурасын кимге калтырарын жазып койгон. Ал 2019-жылы инсультка кабылган жана көп убакытка чейин калыбына келе албай жүргөн.
Эвтаназия — айыккыс дартка чалдыккан жана оорунун кесепетинен адам чыдагыс азапка дуушар болгон адамдын өмүрүн токтотуу практикасы.
