Башкы прокурор Курманкул Зулушев октябрь окуяларында экс-президент Сооронбай Жээнбеков менен болгон телефон сүйлөшүүдөгү үн ага таандык эместигин, жана бул азыркы депутататтардын бирине таандык экенин айтты. Бул тууралуу ал бүгүн басма сөз жыйынында билдирди.
Анын айтымында, видеодогу сенсациялуу үн депутатка таандык экенин көпчүлүккө маалым.
«Чындыгында эле телефон аркылуу сүйлөшүү болду. Ошол жерде бир саясатчы кайсы бир депутат менен сүйлөштү. Бирок ал мен эмес элем. Кийинчерээк, ал үн кимге таандык экендигин баары билишкен. Бул азыркы депутат. Атын атабайм. Менин билишимче, бул факт боюнча тергөө иштери али жүргүзүлө элек», — дейт ал.
