Жогорку Кеңештин депутаты Эрулан Кокулов «Саясий коктейль» берүүсүндө жаңы дайындала турган билим берүү министрине кайрылып, кандай гана маселелер болбосун ачык айтылышы керектигин белгиледи.
«Эл кылына турган жумушту күтүп жатат. Ооба, ал жерге барганда жумуш көп болуп, ишке көмүлүп каласың. «Бул жерде көйгөй көп экен, мен деле эч нерсе кылбай эле коёюнчу» дегендей ой келет. Мисалы, Рамиз Алиев деген «Тазалыктын» башчысы бар. Ал ушундай көйгөйлөр бар деп, көрсөтүп берип жатат, ошондо гана жардам берүүгө болот. Кандай гана маселелер болсо жашынбай ачык эле чыгаргыла. Жумуш оор, бирок ошону жасаш керек. Кабинеттерине кирип алат да, эч кимди киргизишпейт…», — деди ал.
