Ленин районунун башчысы Чынасыл Чыныбаев «Ош базарында» көчөдө соода кылган Алмакан айым менен жолугушту. Бул тууралуу аталган мекеменин басма сөз кызматынан билдиришти. Маалым болгондой, жолугушуунун жүрүшүндө Алмакан айым Чыныбаевге Ленин районун тургуну экенин, шаар ичинде туруктуу каттоосу жана документтери жоктугун айтып берген.
«Баарлашуу учурунда район башчысы Алмакан айымга Ленин районуна туруктуу каттого тургузууга, документтерин алууга жана мындан ары муниципалдык администрация социалдык жактан колдоо көрсөтөрүн билдирди. Ошондой эле, Алмакан айымга «Ош базарынын» ичинен соода оруну сунушталды», — деп жазылат маалыматта.
Буга чейин жумуш ордуна чапталып, аны коргогон аялдын видеосу кызуу талкууга алынган.
