Apple компаниясы акыркы үлгүсү болгон iPhone 15 менен тааныштырды. Анын четтери кырдуу эмес тегеректелип чыгарылган.
Өзгөчөлүктөрүнүн бири Lightning кубаттоочу бөлүгүнөн USB Type-C туташтыргычына өтүшү. Мындай жаңылоо кубатталган энергияны көпкө сактап турат. Смартфондор буга чейин Pro iPhone моделдеринде гана жеткиликтүү болгон Dynamic Island функциясына ээ болушту.
Акыркы үлгүдөгү бул смартфондун кызгылт, сары, жашыл, көгүш жана кара түстөрү чыккан. iPhone 15тин дисплей өлчөмү 6,1 дюйм, iPhone 15 Plus 6,7 дюймду түзөт. 48 мегапикселдик жаңы камера орнотулган.
АКШда iPhone 15тин сатылуу баасы 799 доллардан башталат, 15 Plus — 899 доллар, 15 Pro — 999 доллар, 15 Pro Max – 1199 доллар.
Белгилей кетсек, сатыкка 22-сентябрдан тарта чыга баштайт.
