Кыргыз Республикасынын Жогорку Кеӊешинин “Бир Бол” парламенттик фракциясынын депутаты Алмазбек Акматов 28-февраль күнү 56 жашында дүйнө салды. Бул тууралуу фракция лидери Алтынбек Сулайманов билдирди.Алмазбек Акматов Жогорку Кеңештин мыйзам чыгаруу ишмердүүлүгүнө активдүү катышып, калктын социалдык жана экономикалык маселелерин чечүүгө бардык күч-аракетин жумшап, шайлоочулар менен тыгыз иш алып барып келген.
«Алмазбек Акматовдун үй-бүлөсүнө жана жакындарына терең кайгыруу менен көңүл айтам. Маркумдун жаткан жери жайлуу, топурагы торко болсун! Алмазбек Жумабековичтин жаркын элеси кыргыз элинин жүрөгүндө бекем сакталат», — деп жазды Сулайманов өзүнүн социалдык тармактагы баракчасына.
7tv.kg сайтынын эмгек жамааты Алмазбек Акматовдун дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.
