Өзбекстандын премьер-министри Абдулла Арипов Кыргызтанга келди. Бул тууралуу Министрлер кабинетинен билдиришти.
“Манас” эл аралык аэропортунан Өзбекстандын премьер-министри Абдулла Ариповду Министрлер кабинетинин төрагасынын орун басары Бакыт Төрөбаев тосуп алды.
Белгилей кетсек, Абдулла Арипов үстүбүздөгү жылдын 26-октябрында Бишкек шаарында өтө турган Шанхай Кызматташтык Уюмуна мүчө мамлекеттердин өкмөт башчыларынын кеңешинин жыйынына, Көз карандысыз Мамлекеттер Шериктештигине мүчө мамлекеттердин өкмөт башчыларынын кеңешинин жыйынына жана Евразия өкмөттөр аралык кеңешинин жыйынына катышат.
